top of page
  • 作家相片軟餐俠

【特約分享】與家人共享節日歡樂 社企聖誕到會、工作坊推介🎄


仲有唔到一個月就到聖誕節啦!想同屋企人及家中毛孩一齊過一個別具意義又暖笠笠嘅聖誕節,就唔好錯過以下推介嘅社企聖誕美食同工作坊啦。

The Project Futurus 聖誕大餐配朱古力蛋糕軟餐製作班


聖誕節嘅應節美食又點少得火雞?但對於有咀嚼或者吞嚥困難嘅老人家嚟講,可能就唔方便進食。有見及此,社企The Project Futurus旗下嘅軟餐俠就舉辦聖誕節特別呈獻:聖誕大餐配朱古力蛋糕軟餐製作班(詳情按此),當中包括軟餐文化介紹同軟餐製作兩大部分。


製作班包括軟餐文化簡介、食材計算及應用、軟餐造型技巧、親手製作軟餐等,幫助大家喺短時間內了解軟餐同製作過程



製作軟餐其好簡單,主要步驟係將食材打碎,加入軟餐酵素粉,煮至流質最後等待凝固。The Project Futurus創辦人Queenie就特別提提大家,製作軟餐前要先評估及了解患者嘅咀嚼及吞嚥能力,再決定軟餐嘅軟硬度同質感。而呢種選用酵素粉製作軟餐嘅技術喺日本已經發展咗超過20年,可以將所有食材製作成原汁原味原形嘅軟餐,只要把握好水分同酵素嘅比例去控制口感,老人家都可以安心同枱享用美食。


選用日本酵素粉製作軟餐,能夠盡可能還原食材原汁原味,賣相亦更吸引


聖誕大餐包括燒雞、西蘭花、椰菜花同甘筍,色香味俱全,朱古力蛋糕更以果汁花點綴


製作軟餐其中一個目的係令享用嘅人可以食得更滋味,因此設計軟餐時會考慮埋賣相,盡量用多啲顏色鮮艷嘅食材,亦可以利用唔同造型嘅模具定形,增加食慾。當然同時亦要注意軟餐嘅口感及營養配搭,建議最好以少食多餐方式進食。軟餐製作後需於兩小時內食用,或裹上保鮮紙放雪櫃可保存一至兩日。


機構亦舉辦流動五感大茶樓活動,到安老院舍及長者中心提供軟餐點心


The Project Futurus社區關係副主任Simone、廚師及軟餐顧問馬永成師傅、創辦人及CEO Queenie,馬師傅從事餐飲業超過20年,更會到其他安老院舍進行軟餐相關培訓


唔單止聖誕大餐,軟餐俠成立至今已經有超過100個廣東菜軟餐食譜。The Project Futurus更舉辦名為流動五感大茶樓嘅體驗式懷舊點心活動(詳情按此),當中「五感」係指從視覺、觸覺、嗅覺、味覺、聽覺都還原返舊式茶樓嘅環境同氛圍,並提供唔同質感嘅點心(正餐、碎餐、軟餐),令長者可以重拾飲茶嘅樂趣同回憶。

The Project Futurus係2019年成立嘅社企,以探索老齡化未來為宗旨嘅合作平台同體驗工作室。旗下銀髮族飲食平台「軟餐俠」致力推廣軟餐,包括撰寫軟餐食譜、舉辦軟餐工作坊、義工培訓等,為咀嚼及吞嚥困難嘅人士提供最新健康及飲食資訊,幫助長者重拾享受美食嘅樂趣、提升整體生活質素。


💚感謝OpenRice Hong Kong #飲食誌餐廳專訊 推介我們的聖誕軟餐製作班🥰。我們希望透過軟餐學堂👩🏻‍🍳與大家分享製作軟餐的技巧和小貼士🍳,期望學員們學有所成之後,亦能夠讓有吞嚥困難的家人一日三餐也可以同枱,共享色、香、味俱全的滋味美食🍱,重拾飲食的真正樂趣😋令進食的過程充滿滋味而快樂👅!

要製作聖誕燒雞軟餐🍗和朱古力蛋糕軟餐🍫,就要把握時間啦!我哋12月23日的軟餐學堂還有少量名額,快啲報名啦!
➡️➡️➡️https://bit.ly/3Csq6Fu 

閱讀原文: https://bit.ly/3UIhArS


資料及照片來源:OpenRice開飯喇


#TheProjectFuturus #軟餐俠 #軟餐女俠 #社企 #照護食 #介護食 #軟餐 #吞嚥困難 #吞嚥障礙 #Openrice #飲食 #聖誕節 #聖誕大餐 #工作坊 #節慶美食 #有尊嚴飲食 #滋味美食 #點心 #茶樓體驗 #長者飲食 #開飯喇 #軟餐製作班


bottom of page